Зохиогч энэхүү номоороо бизнес болон менежментийн үйл ажиллагаа, төгс удирдагч гэж хэн бэ, хэрхэн чадварлаг баг бүрдүүлэх, компанийн хамгийн үнэ цэнэтэй зүйл юу болох, хэрхэн шинэ соргог зүйлсийг хэрхэн бүтээх, түүнчлэн бизнесийн салбарын олон саад бэрхшээлийг хэрхэн даван туулсан, түүний дотор эдийн засгийн уналттай цаг үеийг хэрхэн гэтлэж гарсан тухай өөрт тохиолдсон асуудлуудын талаар гаргахыг зорьжээ.

Нобелийн шагналт Их Британий зохиолч Ишигүрогийн романууд өдгөө дэлхий дахинаа 40 гаруй хэлээр орчуулагдсан байдаг. Зохиолд анхандаа нөлөө бүхий язгууртан лорд Дарлингтоны эзэмшилд байгаад, сүүлд нь дэлхийн хоёрдугаар дайны дараа чинээлэг америк бизнесмен Фаррадейгийн мэдэлд очсон Дарлингтон Шилтгээн эдлэнгийн албандаа туйлын үнэнч шаргуу зүтгэдэг даамал Стивенс болон түүний аж амьдрал, ажил төрлийн тухай голлон өгүүлнэ. Зохиолын түүхийг гол баатар Стивенс өөрөө хүүрнэх бөгөөд 1956 оны зун өдрийн тэмдэглэл маягаар бичсэн найман тусдаа бичвэртэй. Өдрийн тэмдэглэлдээ Стивенс урьд нь хамт ажиллаж байсан хатагтай Кентоны (энэ зуур гэрлэж хатагтай Бенн хэмээгдэх болсон) амьдардаг Английн өмнөд хэсэг рүү машинаар аялж, тэнд очоод бүсгүйг Дарлингтон Шилтгээнд буцаан авчрахыг зорьж буй тухайгаа тоочин өгүүлдэг. Гэвч энэ бүхний дунд даамал хэмээх ажлын тухай дурсамж, эргэцүүлэл ихээхэн хэсгийг эзэлнэ. Стивенсийн уран яруу үг хэллэг болон сэтгэл татам байдал нь уншигчдыг яах ийхийн зуургүй л цааш хөтөлнө. Гэхдээ уншигчдад харуулах гэсэн түүний өөрийн дүр төрх яваандаа улам ч эргэлзээтэй, ээдрээтэй болдог. Яв цав найруулга, нарийн нямбай бичсэн эргэцүүллүүдийн ард нэгээр ч зогсохгүй учир битүүлэг олон зүйл нуугдан буйг уншигчид ч удалгүй таамаглаж эхэлнэ. Энэ бол нэгдүгээрт, түүний хуучин эзэн, нацизмыг бишрэн дагагч, дайны үеэр болон түүнээс ч өмнө өдүүлсэн бүхнээсээ болж нэр хүндээ алдсан лорд Дарлингтоны улс төрийн намтар, хоёрдугаарт хэн хэнийх нь хувьд зөвхөн ажил төрлийн холбоо төдий зүйл биш байсан нь яваандаа илэрхий болох Стивенс ба хатагтай Кентон хоёрын харилцаа юм. Эзэн Фаррадейгийнхаа форд машиныг хөлөглөсөн Стивенс Дарлингтон Шилтгээнээс алслагдан холдох тусам л өөртэйгөө нүүр тулж, нэр сүр, төгс төгөлдөр байдлыг ямагт эрмэлзэн зүтгэж ирсэн даамлын сэтгэл оюунд алдагдсан боломжийг эргэн санагалзах харуусал нуугдан буйг сайтар ухаарах ч гэлээ өнгөрсөн цаг хугацааг тэр буцаахыг ер хүсэхгүй.

Алдарт эрэн сурвалжлах сэтгүүлч, зохиолч, эдийн засаг судлаач Дэвид Кей Жонстоны намтар бүтээл болох Трампыг бүтээсэн нь ном 2016 онд АНУ-д худалдаанд гарчээ. Тэрээр анх Трамптай Филадельфи Инкүйрер сэтгүүлийн сурвалжлагч байхдаа танилцсан бөгөөд тэр үеэс л түүний удам угсаа, бизнесийн өсөлт, уруудалт, улс төрийн карьер, удаа дараалсан гэрлэлтийн түүхийг судалж эхэлсэн аж.

Жонстон Нью Йоркийн чимээ аниргүй Квийнс дүүргийн гудамжнаас нэгэн хөвүүн хэрхэн тааварлашгүй, олны танил эрхэм болон цоо шинээр гарч ирсэн түүхийг түүний ажил амьдралын урт замналыг бүхэлд нь багтаан хүүрнэн өгүүлжээ. Трамп бол хэвлэл мэдээллийн хэрэгслийн суутан, бизнесмэн, улс төрийн нударга билээ. Гэсэн хэдий ч түүний замнал хууль шүүхийн асуудал, тэмцэл маргаанаар дүүрэн юм.  Үл хөдлөх хөрөнгийн салбарт од нь гийсэн гэр бүлийн бизнесээс угшилтай, дампуурахад дэндүү ахадсан түүний бизнесийн эзэнт гүрэн, Трампын эзэмшсэн боловсрол, амжилтын замнал хийгээд ерөнхийлөгчийн суудалд өрсөлдөхөөр хуй салхи шиг орж ирсэн түүний хосгүй ноёрхлын бүрэн зураглалыг “Трампыг бүтээсэн нь” ном танд дэлгэн харуулах болно. Түүнийг биширдэг ч бай, үзэн яддаг ч бай, Вуди Гатри (Трампын эцгийн тухай доромж утгатай дуу бичсэн кантри дуучин), өмгөөлөгч Рой Кон, мафийн толгойлогчид болон “томчууд”, америкийн дундаж саналаа өгөгчид гэх зэрэг нийгмийн олон давхаргын төлөөллүүд Трампын тойрог замд нэгэнтээ орсон бөгөөд түүний нөлөө маш хүчтэй гэдэгт эргэлзэх аргагүй юм.  Трампын ярилцлага, санхүүгийн тайлан, шүүх хурлын баримт нотолгоонууд, олон нийтэд хандсан мэдэгдлүүд зэргийг хэдэн арван жилээр цуглуулж, түүнийг нэвт шувт мэддэг болсон сэтгүүлч Дэвид Кэй Жонстон түүний үнэн төрхийг танд илчилж байна.

Дэлхий даяар сая сая хувиар дахин дахин хэвлэгдэж, олон үндэстний хэлээр орчуулагдсан эмэгтэй гол дүртэй зохиол 'Анна Каренина'-гаас өөр байдаг болов уу. Тэрээр Гарбо, Вивиен, Самойлова... гээд үе үеийн кино одууд түүний дүрийг дэлгэцнээ мөнхөлжээ. Зохиолчийн алдрыг дэлхийд өргөсөн 'Дайн ба энх' романы дараа орох хоёр дахь энэ том бүтээлд мөнхийн сэдэв болох хайр сэтгэлийн тухай хөндөнө. Нөхөрт гарсан баян хатагтай Анна Каренинагийн жавхаалаг офицер Вронскийд өгсөн эмгэлэлт, нууц дурлалын түүхийг өөр нэгэн хос болох Константин Левин, Китти Щербацкая нарын аз жаргалтай, цэвэр ариун хайрын өнгөн дээр тод томруунаар ялган харуулна. Өнгөц харахад Аннагийн бүх зүйл бүтэмжтэй мэт, хэргэм язгуур өндөр эр нөхөр, хайрт хүү, эд хөрөнгө хийгээд ихэс дээдсийн хүрээлэлд өөрийн байр сууриа олсон гээд амьдралаас өөр юуг ч хүсэх вэ дээ гэмээр гял цал бууна. Гэвч сэтгэлийнх нь гүнд өчүүхэн гэмээр хоосон зай оршсоор ирсэн нь хайр сэтгэлийн аз жаргалд тэмүүлэх оргилуун хүслэн байлаа.

Логик паззл буюу тааварт бодлого нь хэл, соёлын ялгаатай байдлаас үл хамааран, тусгай салбарын нарийн мэдлэг шаардахгүйгээр хүн зөвхөн цэвэр логик сэтгэлгээгээ ашиглан шийдэх бодлого юм. Ихэнх логик паззлууд цор ганц хариутай байдаг. Логик паззлын олон арван төрөл байдгаас одоогоор үндсэн 70 орчим төрлийг ОУ-ын тэмцээнд ашиглаж байна.

Тэр дундаас та бүхэндээ "Тэнгэр баганадсан барилгууд" паззлыг танилцуулж байна.

Энгийн ойлгомжтой жишээнүүд бүхий энэ ном нь орон сууцаа барихыг төлөвлөж байгаа жирийн иргэд болоод архитектор, түүгээр суралцагч оюутан, зураг төслийн мэргэжилтнүүдэд яахын аргагүй мэдүүштэй мэдээллийг багтаажээ. Орон сууцыг 4 ханатай ердийн өрөөнүүдийн нийлбэр мэтээр хүлээж авдаг байсан үе халагдах цаг болсныг, түүнийг төлөвлөх хийгээд түүндээ аятай амьдрах нь өөрөө чамгүй ''Философи'' гэдгийг анхаарах цаг иржээ гэдгийг өндөр хөгжсөн орны туршлага бэлхнээ харуулж байна.

Дэврүүн бадруун бус, тогтуун тайван өрнөлтэй. Нас, мэдлэг боловсролын түвшин, үзэж туулсан амьдрал, бүр ой санамжийн хувьд ч өөр өөр гурван хүн. Гэхдээ хайрлал дотносол, хамтын ганцаардал, эргэцүүлэл эрэлхийлэл, чигч үнэнч чин сэтгэл дүрүүдийг маань хэрхэн нэгтгэж буйг та мөдхөн мэдэрнэ гэж найдна. Япон уран бүтээлчид цусан төрлийн холбоогүй хүмүүс нэгэн гэр бүл шиг амьдарч, бие биенээ хайрлан халамжилж буйг үзүүлэх нь элбэг. Үүний тод жишээ нь Хироказу Корээда найруулагчийн “Shoplifters” кино юм. Япон гэлтгүй, ихэнх улс орны нийгэмд бодгальч үзэл давамгайлж, чин сэтгэлийн гэхээсээ арилжаа тооцооны харилцаа ноёлох болсонд уран бүтээлчид бачууран байж өгүүлээ нь тэр биз. Төгс тоо ном нийгмийн асуудлаас ангид өрнөх мэт боловч бидний нийгэмд аажим бугших хэтийдсэн шунал, дарлал мөлжлөг, бодгальч үзлийн эсрэг туйл дахь цэнгэг сайхан баянбүрдэд уншигч таныг аваачих билээ.

Жангар бол баруун Монгол тухайлбал Халимагийн гайхамшигт сайхан үлгэр бөгөөд тэднээс дэлхий дахины соёлын санд оруулсан чухал эрдэнэ мөн. Жангар ардын үлгэрч нарын амаар дамжиж боловсорсон баатарлаг үлгэр юм. Жангарт Алтай нуруу, Эрчис мөрөн, хүйтэн Ширэг, Төвд, Тангад, Зуу, Хятад, дөрвөн ойрд, Шарай гол зэрэг газар орныг байн байн дурддаг. Жангар зохиогдсоноор 500 орчим жил болсон гэдэг.

Гэсэрийн тууж бол Төвд, Монгол үндэстнүүдийн дунд ихэд түгэн тархсан цуутай баатарлаг, шидэт туульс билээ.

Бурхан багш Шигэмунийг нирваан дүр үзүүлэхийн өмнө өөрт нь мөргөхөөр ирсэн Хурмаст Тэнгэрт таван зуун жил болсны хойно ертөнцөд хүчтэй нь хүчгүйгээ барьж идэх самуун цаг ирнэ. Тэр үед гурван хөвгүүнийхээ нэгийг хүний ертөнц рүү илгээн тэр самууныг түвшитгэхийг зарлигджээ. Ийнхүү Хурмаст тэнгэр дунд хөвүүн Үйл бүтээгчээ хүмүүний ертөнцөд илгээснээр Гэсэр хаан төрж, аливаа самууныг түвшитгэн, арван зүгийн хорыг таслан, амьтан бүхнийг амируулан жаргааж буй тухай өгүүлнэ.

Энэ ном юуны өмнө миний амьдралд тохиолдсон үйл явдлуудын баатрууд болох ажилсаг хүмүүсийн тухай юм. Энд миний хуваалцахыг хүссэн түүхийн зөвхөн багахан хэсэг оров. Цаг хугацаа олдвол үргэлжлүүлэх болно...

Урам зориг, хүсэл мөрөөдлөөрөө жигүүрлэн энтрепренер замналаа эхлүүлж байгаа залуус маань санаагаа хаанаас олох, сайн санаа гэж яг ямар санааг хэлдгийг мэдэх маш их хүсэлтэй байдаг нь ажиглагдсан. Тийм ч учраас энтрепренер сэтгэлгээ тэр дундаа санаа болон шийдэл олох алхмуудыг ойлгуулж, ерөнхий чиглэл өгөхөд уг номын зорилго оршино.

Нугачаа гэж юу вэ? Энэ бол тантай эргэж холбогдоогүй тав дахь ажлын ярилцлага. Энэ бол сноубоардоор гулгаж сурах гээд долоо дахь удаагаа онхолдож ойчих. Энэ бол марафоны дунд үед гараанаас гарсан сэтгэл хөдлөл мартагдан, барианд орох мөрөөдөл хол санагдаж эхэлдэг үе. Энэ бол алсын зорилго, мөрөөдөлдөө амжилттай хүрэхийн тулд зайлшгүй даван туулах бартаат зам. Гэхдээ зөв зүйлийнхээ араас зүтгэж буй тохиолдолд л гэдгийг санаарай. Өөр юусан билээ? Энэ бол таны карьерын амжилт, компанийн ирээдүй, хувь хүний аз жаргалд хөтлөх түлхүүр юм шүү.

Оросын зохиолч, улс төр судлаач, нийтлэлч Кирилл Станиславович Бенедиктов "Хар хун" гэдэг ном бичиж 2016 онд хэвлүүлжээ. Уг ном " Доналд Трампын улс төрийн намтар" гэсэн давхар тодотголтой. Номын гол баатар Доналд Трамп улстөрч биш, залуугаасаа хийсэн ажил нь бизнес байсан, улмаар томоохон бизнесмен, тэрбумтан болохыг бид хэдэн жилийн өмнөөс гадарлах болсон...

АЛИВАА ЗҮЙЛСИЙГ ЮУ НЭРД ГАРГАДАГ ВЭ?

Уг бүтээлээс та амнаас ам дамжин яригдаж, халдвартай мэт тархах нууцыг олж мэднэ. Мөн бүтээгдэхүүн үйлчилгээ, Юүтүб дээрх бичлэг гээд ямар ч зүйлийг түмэнд түгээж, халдвартай мэт болгох зургаан зарчмыг багтаажээ. Түүнчлэн тансаг зэрэглэлийн зоогийн газар ердийн хавчуургатай талхаар дамжуулан хэрхэн нэрд гарсан болоод хар тамхины эсрэг сурталчилгаа яагаад хар тамхи хэрэглэх сэдлийг төрүүлдэг тухай, цаашлаад 200 гаруй сая хэрэглэгчид уйтгартай гэмээр нэгэн бүтээгдэхүүн болох холигчийн талаар яагаад ам дамжуулан ярилцсан талаар та олж мэднэ.

Энэ номд гол дүр Сиддхарта өөрийгөө олох эрэл хайгуулд гарч, амьдралтай танилцаж буй тухай гайхамшигтайгаар өгүүлэх болно.

Энэхүү номоо санаанаас сая долларын стартап бүтээхэд тулгардаг саад бэрхшээл, тэднийг шийдэх арга болон бусад мэдэх ёстой олон ойлголтыг багтаалаа. Гэхдээ өнөөдрийг хүртэл олон мянган удаа ашиглагдсан, хүн бүрийн ярьдаг бизнесийн онолыг орчуулж, хуулбарласангүй. Чухал ойлголтуудыг Монголын хөрсөнд буусан жишээгээр тайлбарласан бөгөөд өөрийнхөө үүсгэн байгуулж байсан стартапуудын хөшигний цаадах түүхийг ч мөн хуваалцсан.

Агуулга:

-Санаа

-Алсын хараа

-Хамтрагч

-Хөрөнгө оруулалт

-Мөрөөдлийн баг

-Компанийн соёл

-Бүтээгдэхүүн хөгжүүлэлт

-Зах зээлд гаргах

-Маркетинг

-Борлуулалт ба өсөлт

-Энтрепренер хүний амьдрал

Нэг төрлийн хэтэрхий олон бүтээгдэхүүнтэй, шуурхай харилцаа холбооны эрин үед өрсөлдөөнтэй хөл зэрэгцэн алхах нь амжилттай стратеггид тооцогдохоо нэгэнт больжээ. Өрсөлдөөний давуу талыг олж харан, ухаалаг, үр дүнтэй алхам хийж, сайн дизайн гаргасан нь өнөөдөр өрсөлдөөнд ялж байна. Тэгвэл ямар шинэ дүрмээр ажиллах вэ гэж үү? Хүн бүр байдаг л нэг өөрчлөлт хийж байвал та эрс өөрчлөлтийг эхлүүлэх хэрэгтэй. "Өөр" нэртэй бүтээлээрээ супер брэндүүдийг бий болгогч шилдэг стратеги болох радикал ялгарлын талаар танилцуулж байна.

Криптовалютын болон блокчэйний ертөнцийг ойлгоход бэрхшээлтэй байдаг. Энэхүү дэлгэрэнгүй ойлголтыг багтаасан номоор та маш хурдан мөнгөний түүх болон түүний замнал дахь амжилттай буюу амжилтгүй болсон баримтуудын талаар ойлгож авах болно. Та криптографи болон орчин үеийн криптвалютын талаарх ойлголтууд, анхны санал болголтууд мөн байгууллагын блокчэйний талаарх ойлголтыг бүрэн авах болно.

Бид бүгд харь гаригаас ирэгсэд! Арван мянган жилийн тэртээ Фаэтон гаригийнхны оюун ухаан, Дэлхийн хувь заяаг өөрчлөв. Фаэтон гаригийнхан хүчилтөрөгч дутагдах аюулд орж, өөрсдөө гаригаа зориуд устган, Дэлхийд нүүн иржээ. Сансрын энэ том сүйрлийн үр дагавар нь усан галав, мөстөлтийн үе байв. Бүх л амьдралынхаа турш байгалийн нууц үзэгдэл, үлэг гүрвэл, сөнөсөн соёл иргэншлийн ул мөр, үл таних нисдэг биет зэргийн талаар баримт цуглуулсан энэхүү номыг зохиогч ингэж үзэж байна.

Москвагийн Түүх архивын дээд сургуулийн порфессор А.Крушнельницкий болон түүхч В.Воронов, Е.Трифонов нарын судлаачид халхын голын тулалдааны тухай шинэ баримтыг гаргаж ирсэн байна. Эдгээр түүхчдийн бүтээлийг та бүхэндээ хүргэж байна.

Энэ номд сүүлийн 15 жилд гурван ч удаа өөрчлөгдөн Хятадын төрийн стратегийн авч үзэж, өөрчлөлт тус бүрийг нарийвчлан тайлбарлана.

Энэ ертөнц дээр үзүүр ёзоортой юм байхаас гадна үзүүр ёзоор, хязгаар хярхаггүй юм гэж бас бий гэдэгийг мэдэх ёстой. Энэнийг мэдсэнээрээ чи хүн гэдэг амьтан юу хүссэнээ биш, юу чадахыгаа хийх ёстой гэдэгийг ухаарах ёстой. Энэнийг эрт ухаарахгүй бол чи өөрийнхөө жаахан авьяас чадалыг юу ч хийж чадалгүй үрэн таран болгоод л дуусана гэж мэдээрэй.

Ижил тэнгэртэйд нь харагдаж, илүү тэнгэртэйд алагдана гэсэн хэлц бий. Чухамдаа гэвэл энэ үг зөвхөн ангуучдад зориулсан үг биш, харин хүн чоно хоёрын хувь тавилан эн зэрэгцээ тэнгэрлэг оршихуйн утга учрыг илүү хадгалсан учир холбогдолтой.

Элон Маск бол манай цаг үеийн хамгийн агуу энтрепренер сэтгэгчдийн нэг. Түүний бишрэм оюун ухаан, зогсолтгүй урагшлах тэмүүлэл, зүрх алдам зорилгодоо бат итгэх үнэмшлийн ачаар бид нийтээрээ үр өгөөж хүртэх боломжтой болж байгаа юм. Элон Маскийн энэ намтар Tesla, SpaceX, SolarSity-ийг байгуулсан хөшигний ардах түүхүүдийг хамгийн ойроос өгүүлж, Элоны гал эрмэлзлээ бодит ажил болгохын тулд хэрхэн ажилладгийг харуулснаараа онцгой юм. Тэр бол дэлхийг өөрчилж буй өвөрмөц дүр бөгөөд тоглоомын дүрмийг өөрчилж буй санаануудаа хэрхэн сэдэж, хэрхэн хөгжүүлж ирснийг нь Ашли Ванс тун сонирхолтойгоор хүүрнэжээ.

"Монгол нууц товчоо" бол Монголын их хаадын угсаа гарал, монголчуудын ахуй амьдрал, үндэсний түүх, хэл бичиг, утга соёл, ардын аман зохиол, бөө мөргөл, зан заншлын нэвтэрхий их толь, монгол хэлний үгийн урлагийн сонгодог бүтээл, тал нутгийн анхилам үнэр нэвт шингэсэн түүх, он дарааллын бичиг юм. XIII зууны үеийн монголчуудын ахуй амьдралын хэв маяг, эзэн Чингис хаан болоод Их Монгол улсын түүхийг уран зохиолын хэллэгээр бичсэн хосгүй нандин судар юм.

Монгол туургатны түүх, утга соёл, үгийн урлагийн гайхамшигт дурсгал “Монголын нууц товчоо” нь дэлхийн эртний сонгодог уран бүтээл болох Оросын Игорийн хорооны дууль, Грекийн Иллиада Одуссе, Францын Ролландын дуулал зэрэг бүтээлтэй эн дүйцэхүйц ховор бүтээл мөн хэмээн эрдэмтэн судлаачид үнэлдэг билээ.

Ж.Пүрэвийн Зүрхний Хилэн роман.Манжийн дарлалын үеийн Монгол орон, Манж ухаан Монгол ухаан хоёрын хоорондын ялгаа, Манж хэмээх гүрнийг өөртөө уусгаж чадсан Хятад шаахайтнууд, тэдний арга заль, Халхын болон Хотгойдын вангуудын гаргахаар төлөвлөсөн бослого, түүний үр дүн, тэдэнд хүч нэмж буй Ойрадын Амарсанаа болон эдгээр хүмүүсийн уриалгад нэгдэж, бослогод оролцож буй дарлал мөлжлөгөд нэрвэгдсэн Монголын ард түмний эр зориг, эмгэнэлт хувь заяаг тун чадварлагаар дүрсэлжээ. Эвтэй байхдаа хүчтэй гэж чухам ямархан үнэн үг болохыг, нөхөд заримдаа ноход болдогийн жишээг энэхүү зохиолоос уншиж болно.

Тухайн үеийн Манжийн хаан байсан Тэнгэрийг тэтгэсэн хэмээх хааны хорон санаа, башир аргад удаа дараалан хууртаж, жигшин зэвүүцсэн Монголын ард түмэн бослогод оролцоцгооно. Энэ үед Монголыг шашнаар нь барьж тогтоох аргын золиос болсон Ренчиндорж вангийн дүү хоёрдугаар богд Лувсандамбийдомэйний бослогод сэтгэлээрээ нэгдэж буй ч оролцож чадахгүйн зовлон болон үүнээсээ болж хорлогдож байгааг, Манж нарын Монголчуудыг өөртөө элсүүлэх аргууд болох эмс охидоо өгч худ ураг барилдах, цол хэргэмээр шагнах аргад хууртаж бие биенийхээ араас гэтэх араатан аятай авирлаж буй Монголоо алдсан Монголчуудын түүх ч мөн сөхөгддөг.

Зохиогч энэхүү номоороо бизнес болон менежментийн үйл ажиллагаа, төгс удирдагч гэж хэн бэ, хэрхэн чадварлаг баг бүрдүүлэх, компанийн хамгийн үнэ цэнэтэй зүйл юу болох, хэрхэн шинэ соргог зүйлсийг хэрхэн бүтээх, түүнчлэн бизнесийн салбарын олон саад бэрхшээлийг хэрхэн даван туулсан, түүний дотор эдийн засгийн уналттай цаг үеийг хэрхэн гэтлэж гарсан тухай өөрт тохиолдсон асуудлуудын талаар гаргахыг зорьжээ.

Дашийн Оюунчимэгийн энэ роман дотор Оройн ганц мод гэж гардаг. Тэр модны навчин дээр “Чиний асуух гэж байгаагаас эхлээд чиний асууж мэдэхгүй тэр бүх зүйл бичээстэй байдагюм” гэсэн мөрүүд бий. Тэр мод хүүхдийн сэтгэл шиг тунгалаг навчтай юм гэнэ лээ. Мэдээж өөр бусад навчсан дээр ондоо ондоо зүйл байгаа. Түүнийг сонирхсон хүмүүс энэ романыг уншиж болно. Сэтгэл зүрхний тань нутаг дэвсгэрийн хил хязгаар орон зай, цаг хугацааны тийш тэлэгдэж байгаагаа та бас мэдрэх байх хэмээн найднам.